Eurodeputeti David Lega, ka dënuar veprimin e kryeministrit Edi Rama, për të dënuar gazetarët kritikë ndaj tij. Në një postim në Twitter, Lega deklaron se liria e medias është e panegociueshme për BE-në dhe vendet që aspirojnë anëtarësimin.
Lega i bën thirrje Ramës të mbështesë gazetarinë e pavarur dhe të respektojë vlerat e BE.
“Liria e medias është e panegociueshme për anëtarët e BE-së dhe shtetet aspirante anëtare. I bëj thirrje kryeministrit Edi Rama të mbështesë gazetarinë e lirë dhe të pavarur dhe të tregojë përkushtim të vërtetë ndaj vlerave të BE-së”, shkruan Lega.
Kujtojmë që dhe prezenca e OSBE-së në Shqipëri ka reaguar pas qëndrimit të kryeministrit. Me anë të një postimi në Twitter, OSBE shprehet se është e drejta e gazetarëve për të kërkuar dhe marrë lirisht informacion.
“E drejta e gazetarëve për të kërkuar, marrë dhe dhënë lirisht informacionin e mbajtur nga organet publike është një pjesë integrale e punës së tyre dhe një shtyllë themelore e çdo shoqërie demokratike. Nuk ka siguri pa lirinë e medias”, shkruan prezenca e OSBE-së në vendin tonë.
Discussion about this post