Kryetari i Komisionit të Asocim – Stabilizimit në BE, eurodeputeti grek, Manolis Kefalogianis vizitoi këtë të hënë në burgun e Fierit bashkëkandidatin e vet, kryebashkiakun e zgjedhur të Himarës Fredi Beleri.
I pranishëm në takim ishte dhe kreu i PBDNJ, Vangjel Dule, që ka shoqëruar Manolis Kefalogianis në burgun e Fierit.
Pas takimit me Belerin eurodeputeti do takohet gjithashtu me përfaqësues të minoritetit grek në Shqipëri, ku në fokus do të jenë diskutimet për çështjet e pronave.
Kujtojmë se eurodeputeti grek ndodhet në Shqipëri që gjatë fundjavës, ku ditën e Pashkëve ai ndoqi meshën e shenjtë në Katedralen Orthodhokse të Ngjalljes së Krishtit në Tiranë.
Discussion about this post