Roma është eleminuar nga Europa League. Pavarësisht fitores 2-1 në ndeshjen e parë ndaj Atletico Bilbaos, ekipi i drejtuar nga Ranieri pësoi disfatë të pastër 3-1 në “San Mames”, në aktin e kthimit.
Takimi u kthye në “malore” për italianët, pasi Hummels doli me karton të kuq shumë shpejt që në minutën e katërt. Vendasit e Bilbaos ushtruan presion dhe gjetën golin e avantazhit me Nico Williams, në fundin e fraksionit.
Berchiche dyfishoi shifrat, duke i dhënë qetësinë e duhur spanjollëve. Spektakli i Nico Williams nuk kishte mbaruar ende, me lojtarin që kompletoi dopietën dhe i dhuroi kualifikimin Bilbaos. Goli në fund i Paredes me penallti, shërbeu vetëm për statistikë.
Edhe Lazio nuk zhgënjen dhe shkon në fazën tjetër. Djemtë e Baronit marrin një biletë për në çerekfinalen e Europa League.
Lazio barazoi 1-1 ndaj Plzen në “Olimpico”, duke iu falur kështu fitores 2-1 në ndeshjen e parë.
Në krahun tjetër, Eintracht Frankfurt fitoi 4-1 përballë Ajax, pasi kishte fituar edhe në të parën 2-1.
Ndersa Olympiacosit nuk i mjaftoi fitorja 2-1 në shtëpi përballë Bodo/Glimt. Këta të fundit kishin triumfuar 3-0 në sfidën e parë, duke kaluar më tej në Europa League.
Deri më tani është vendosur vetëm një çift çerekfinalist. Lazio do të përballet me Bodo/Glimt.
Ndërsa ekipet e tjera janë në pritje të ndeshjeve të orës 21:00.
Discussion about this post