Partia Demokratike po zhvillon ditën e sotme një protestë, e cila ishte paralajmëruar para disa ditësh nga Kreu i PD-së, Sali Berisha. Simpatizantë dhe mbështetës të Partisë Demokratike të cilët janë grumbulluar në bulevardin “Zogu i Parë”, në kryqëzimin të Ministria e Drejtësisë, janë shprehur se i janë bashkuar protestës pasi zgjedhjet janë vjedhur.
Një nga qytetarët shprehet se ka shumë njerëz që duan ti bashkohen protestës, por kanë frikë.
“Janë vjedhur zgjedhjet. Unë kam sa të duash njerëz që donin të vinin me mua këtu sot dhe nuk kanë ardhur se thoshin, por të më shikojnë mua në protestë më vijnë te dyqani, më ndalojnë me makinë. Është turp ta diskutosh këtë, por ky ka kaluar në regjim”, tha qytetari.
Siç shihet edhe në pamje qytetarët dëgjohen duke brohoritur “Edi Rama o hajdut votat tona ku i ke fut”
diktatura“, “Duam votat tona“, “Edi Rama kriminel”.
Ndërsa në një bluzë të një simpatizanteje të opozitës i bëhej apel Presidentes së Komisionit Europian: Ursula von der Leyen, a mund të jetosh ti me 100 euro në muaj.
Po ashtu, ata i kanë bërë thirrje liderëve europianë, që nddhen në Tiranë, që të mos heshtin përpara vjedhjes së votës, pasi duhet të jenë në mbrojtje të zërit të qytetarëve dhe jo të një kryeministri kriminel, që nuk ndalet përpara asgjëje për të qëndruar në pushtet së bashku me bandat e tij.
Kjo ishte një protestë e paralajmëruar, por që policia nuk ka dhënë leje. Përfaqësues të PD, si Flamur Noka, Jorida Tabuku, Enno Bozdo e të tjerë janë mbledhur në afërsi të bulevardit Zogu i Parë.
Deri tani protesta ka nisur me nota të qeta, nën “moton”: “Poshtë
Në këtë protestë, mungon kryetari i demokratëve, Sali Berisha, i cili ishte në Bruksel për të mbajtur një fjalim në një samit nga ku tha se janë vjedhur zgjedhjet.
Discussion about this post