Eurostat ka publikuar sot disa të dhëna të cilat tregojnë se, 1 nga 4 fëmijë në Shqipëri janë në prag të një varfërie ekstreme. Agjencia Europiane e Statistikave tregon se sa rrezikohet mirëqenia e fëmijëve si rrjedhojë e financave të prindërve të tyre.
Të dhënat e “EUROSTAT”, tregojnë së në vitin 2019, në Bashkimin Europian, shkalla e rrezikut nga varfëria ishte 23% në mësim e familjeve më një situatë “të keqe” financiare. Krahasuar me përqindjen e shkallës nga varfëria për familjet që kanë një situatë “të mirë” financiare në familjen e tyre të fëmijërisë, kjo përqindje është 9.6 pikë përqindje më e lartë.
Sakaq, për familjet me situatë “të mirë” financiare në Shqipëri, rreziku për të qenë i varfër regjistrohet në 19.2%, ndërsa për familjet me situatë “të keqe” financiare kjo shkallë është 25.3%. Diferenca mes shkallës së rrezikut për të qenë të varfër për familjet me situatë të mirë familjare, krahasuar me ato me situatë të keqe, është 6.1 pikë përqindje.
Krahasuar me vendet e rajonit, vendi ynë ka shkallën më të ulët të rrezikut për të qenë i varfër për familjet me situatë të keqe financiare, por gjithsesi mbetet një nivel që tregon varfëri ekstreme. Madje, shumë i lartë është niveli i fëmijëve që iu rrezikohet jeta për shkak të kequshqyerjes dhe kushteve të papërshtatshme që jetojnë.
Discussion about this post