Statistikat ndërkombëtare bëjnë me dije se më shumë se 2250 shtetas britanikë janë urdhëruar të largoheshin nga vendet e Bashkimit Europian. Kjo ndodhi në fund të periudhës së tranzicionit të Brexit, gjatë shtatorit të vitit të kaluar.
Të dhënat e publikuara nga Eurostat tregojnë se 2285 shtetas britanikë janë dëbuar nga 1 janari i vitit 2021, pasi humbën të drejtën e lëvizjes së lirë në BE.
Po ashtu, ekspertët u shprehën se të dhënat nuk specifikonin nëse të gjitha largimet kishin të bënin me Brexit, por që shumica e rasteve lidhet më të.
Në të dhënat e Eurostat-it, shihen ndryshime midis shteteve anëtare të BE-së, ku vetëm Suedia përbën gati gjysmën e të dëbuarve, me 1050 qytetarë. Më pas pasohet nga Holanda me 615 shtetas britanikë.
Sipas kushteve të marrëveshjes së Britanisë dhe BE-së, shtetasit britanikë kishin të drejtë për qëndrim të përhershëm, duke mbrojtur të drejtat e tyre.
Discussion about this post