Eva Kaili është liruar nga regjimi i përgjimit elektronik, tashmë është e lirë,por me kusht.
Vendimi është marrë nga gjyqtari belg antikorrupsion, ndërsa zëdhënësi i prokurorit Eric Van Duyse tha se eurodeputetja greke është e lirë nën mbikëqyrjen gjyqësore.
Kjo do të thotë se eurodeputetes nuk i kërkohet më të mbajë një byzylyk elektronik, kusht që i është vendosur me daljen nga burgu më 14 prill 2023.
Avokatët e saj kishin njoftuar se do të dorëzonin një kërkesë përkatëse, në mënyrë që ajo të mund të kryente detyrat e saj si eurodeputete. Megjithatë, deri më tani nuk janë specifikuar kushtet kufizuese që i janë vendosur.
Discussion about this post