Moderatorja Eva Murati e ka të kollajtë përballimin e sulmeve që i vijnë kolegët. E ftuar dje mbrëma në “Top Arena”, Murati ka folur për jetën e saj private, ndërsa e fokusuar tek karriera, është shprehur se për të, konkurrentet janë milingona.
“Është një shprehje që mua më pëlqen shumë që thotë ‘Kill them with kindness’, Vriti me mirësi. Mua thjesht nuk më interesojnë. Unë di të them që do të keni gjithmonë mirë nga unë. Nuk ekzistojnë fare në mendjen time. Janë milingona. Unë përqëndrohem te gjërat e bukura. Nuk kam pse ta mbush shpirtin tin me urrejtje. Nuk i konsideroj fare”, është shprehur ajo.
Moderatorja foli se pas kontratave të suksesshme në Itali, tashmë do të jetë edhe imazhi i Lavazza-s, kafeja e njohur italiane.
“Pas kontratave zyrtare në Itali me ‘Yamamay’ dhe ‘Carpisa’, tashmë do të jem imazhi i një tjetër brandi shumë të rëndësishëm atje siç është Lavazza, kafja e famshme. Shumë shpejt do të iki atje, jo vetëm të zyrtarizoj kontratën, por do të bëj edhe një vizitë në fabrikën e Lavazzës dhe në muzeun e tyre, që mu duk shumë interesante dhe mezi po pres ta provojë si eksperiencë”, tregoi bukuroshja.
