Everton fiton atje ku kanë rënë gjigandët

Skuadra e Evertonit ka realizuar me të vërtetë një mision që ka qënë gati i pamundur për shumicën ekipeve të Premeir league, këtë sezon.

“The Toffies” kanë mposhtur me një rezultat befasues, 5-1 (po po, e lexuat mirë PESË ME NJË!) skuadrën e Brighton, brenda në AmEx Stadium.

Ky rezultat është shumë i rëndësishëm për skuadrën e drejtuar nga Sean Dyche, në kuadër të mbijetesës mes më të mirëve të futbollit anglez.

Nga ana tjetër, ndoshta të ‘dehur’ nga suksesi në minutat e fundit përballë Manchester United, djemtë e Roberto De Zerbi, nuk ishin në ditën e tyre më të mirë, duke luajtur kështu ndeshjen më të shëmtuar të muajve të fundit.

Pavarësisht disfatës për Brighton, shpresat për kualifikim në Europa League, nuk janë shuar, duke parë që janë në kuotën e 55 pikëve, 2 më pak se Tottenham (e cila ka luajtur një ndeshje më shumë se bardheblutë). /m.b /gijotina.com

BRIGHTON 1-5 EVERTON

Golat

Brighton: Mac Allister

Everton: Doucoure, Doucoure, Steele (autogol), McNeil, McNeil