Everton është i interesuar për të marrë mbrojtësin e Interit Stefan de Vrij, por ‘Zikaltërit’ nuk kanë marrë ende një ofertë zyrtare.
Sipas ‘Tuttosport’ agjenti i lojtarit, Mino Raiola po ua ofron mbrojtësin hollandez klubeve të Premier League, por, në letër, Interi nuk është i gatshëm të shesë një tjetër yll, pas transferimit të Achraf Hakimit në PSG për 71 milionë euro.
Sidoqoftë, Suning dëshiron të fitojë 80 milionë euro nga merkato e verës, kështu që është e mundur që ‘Zikaltëri’ të ulet për të diskutuar një shitje të mëtejshme në të ardhmen.
Më tej po e njëjta media raporton se Everton ka treguar interes për De Vrij dhe ka hapur bisedime paraprake me agjentin Mino Raiola, por Interi nuk ka marrë ende një ofertë zyrtare.
Nëse hollandezi do të largophet në drejtim të Premier League, atëherë Alessandro Bastoni do të zëvendësonte De Vrij si një mbrojtës qendror.
Tekniku i ri i Interit, Simone Inzaghi ka qenë trajner i De Vrij në Stadio Olimpico dhe nuk dëshiron që ai të largohet këtë verë.
Gjatë konferencës së tij për shtyp, tekniku italian pretendoi se ai pret që Hakimi të jetë lojtari i vetëm që do të largohet nga Interi në gjatë merkatos së verës./Gijotina.com
