Evi Kokalari përzë Karamuçon e Currin nga studio, çfarë ndodhi…

Ervin Karamuço, ekspert i kriminalistikës, ka lënë studion e emisionit “Zonë e Lirë” pas një përplasjeje që pati me aktivisten Evi Kokalari.

Kjo e fundit tha se Karamuço ka lënë nam sepse i ka nxjerrë videon e turpshme duke aluduar se ishte Luana.

Por Karamuço e kaloi këtë moment pa replikuar, ndërsa momenti kur ai iku nga emisioni kishte të bënte me sulmin që Kokalari bëri ndaj një tjetër drejtuese emisioni.

Duke nxjerrë inatet personale, pavarësisht se njëherë në dy fjali thonte se nuk kishte inate të tilla, Kokalari ironizonte Ervin Salianjin dhe të fejuarën e tij, që e etiketoi si “Nora Kelmendi”.

Kokalari e konsideroi si heqje të lirisë së fjalës kur iu kërkua nga Karamuço dhe Curri, të pranishëm në emision, që të mos merrej me jetën personale të askujt.

Në një moment, Karamuço ka lënë studion e emisonit, ndërsa Curri e konsideroi si jo normale mënyrën se si Kokalari sulmonte njerëzit.

Në vijim të mënyrës se si Kokalari vijonte akuzat dhe sulmet, edhe Curri la studion e emisionit.

Kokalari vijoi emisionin me batuta me Arjan Çanin.