Verifikimi i disa rasteve helmimesh nga Salmonela në produkte çokollate në Britaninë e Madhe, pas njoftimit nga RASFF, bëri që AKU të nis monitorimet dhe verifikimet në terren dhe pikat e inspektimit kufitar.
Gjithashtu, AKU vijon procedurën e tërheqjes nga tregu të produkteve që RASSF ka evidentuar. AKU ka njoftuar dhe këshilluar konsumatorët që të shmangin blerjen e produkteve të mëposhtme dhe nëse kanë blerë të mos konsumojnë këto produkte: Kinder Schokobons, Kinder Schokobons, Kinder Sorpresa Maxi dhe Kinder Maxi Mix në të gjitha llojet e tyre.
Në një pikë inspektimi kufitar është paraqitur subjekt për import produktesh çokollate Kinder dhe bazuar në kontrollin dokumentar e identitar rezultoi se ngarkesa kishte produkt, për të cilin kompania prodhuese ka njoftuar se duhet tërhequr nga tregu. Autoriteti Kombëtar i Ushqimit ka proceduar me refuzim në kufi për ngarkesën e kthim në vendin e origjinës.
Së fundmi, sigurojmë konsumatorët se drejtoritë rajonale dhe trupat inspektuese në terren dhe në pikat e inspektimit kufitar janë në monitorim dhe ndjekje të situatës dhe për çdo zhvillim do të kryhet njoftimi i konsumatorëve.
Discussion about this post