Shtatori do të prodhojë shumë nxehtësi politike, përveçse freskut pas gushtit të nxehtë. Politika do të prodhojë xhevahire të natyrave të ndryshme. Pas doktorit që nuk e qeth për SHBA, radhën në garnizonin “NON GRATA” e ka një njohje e vjetër e PD-së, por prej shumë kohësh mik për kokë i Ed Ramës dhe Erion Veliaj. Aqif Rakipi, njeriu me potencë dhe që arriti të prodhonte dy mandate në parlamentaret e 25 prillit, një për djalin e një për dhëndërrin. Burime afër strukturave investigative shtetërore, bëjnë me dije që Ambasada ka çuar fjalë që ka ende shumë emra, që kanë qenë, janë direkt dhe indirekt në jetën politike. Qifja siç edhe lakohet është emri që do të jetë NON GRATA nga SHBA, në një kohë që vetë ai prodhoi në rang qarku mbi 15 mijë vota për të shpallur deputet djalin e tij, Ornaldon. Dhe i’a doli duke thyer herësin për Tiranën. Ai njihet si njeriu më i ngushtë me Ramën e Veliajn, teksa këta të fundit do të testohen nëse do ta lëshojnë apo mbajnë, në momentin që ky zhvillim do të bëhet publik. Paçka se Aqif Rakipi është jashtë jetës politike, si individ, prezenca e tij dhe lidhjet e ngushta të natyrave të ndryshme me Ramën e Veliajn japin sinjalin që “NON-GRATA-t” do të jenë edhe në kampin e skuadrës fituese të zgjedhjeve të 25 prillit. Veçse, në raport me Bashën, Rama nuk ka sikletin e Berishës. Ky i fundit i shpalli sfidë SHBA për qëndrueshmëri në jetën politike aktive në vend.
