Facebook, Instagram, WhatsApp dhe Messenger kanë dalë jashtë funksionit për pothuajse 1 orë. Mjetet e brendshme të Facebook për punonjësit janë prekur gjithashtu nga ky problem.
Përdoruesit po ju dalin mesazhe të tilla si: “Na vjen keq, diçka nuk shkoi mirë”, “Gabim në serverin 5xx” dhe më shumë.Shërbimet janë në rënie sot në mbarë botën, duke përfshirë Shtetet e Bashkuara, Mbretërinë e Bashkuar, Brazilin, Kuvajtin, Europën dhe më gjerë.
Në një deklaratë, WhatsApp pranon se shërbimi i saj ka rënë dhe sipas tyre njerëzit po punojnë për ta kthyer gjendjen në normalitet.
“Ne jemi të vetëdijshëm se disa njerëz po përjetojnë probleme me WhatsApp për momentin. Ne po punojmë për t’i kthyer gjërat në normalitet dhe do të dërgojmë një përditësim këtu sa më shpejt të jetë e mundur.”
Gjithashtu edhe deklarata e Facebook, thotë po të njëjtën gjë:
“Ne jemi të vetëdijshëm se disa njerëz kanë probleme me qasjen në aplikacionet dhe produktet tona. Ne po punojmë që gjërat të kthehen në normale sa më shpejt të jetë e mundur, dhe kërkojmë ndjesë për çdo shqetësim”- thotë Andy Stone
Çështja duket se lidhet me një lloj problemi DNS që prek serverët e Facebook.
