Tifozët e vërtetë nuk e lënë kurrë vetëm skuadrën e tyre të zemrës, megjithatë kur paraqitjet në fushë, nuk bindin, atëherë ka gjasa që dhe tifozi më i zjarrtë, të mos e marrë mundimin për të ardhur në stadium, sidomos gjatë verës. Kjo duket se po ndodh me një skuadër të njohur të futbollit shqiptar.
Partizani kërkon kualifikimin me shpresën që të arkëtojë edhe 350 mijë euro shtesë. Kaq vlen bileta e kualifikimit për në turin e tretë kualifikues të Europa Conference League.
Atletik Eskaldes do të sfidojë të kuqtë në “Air Albania” stadium që do të jetë një shkretëtirë e vertëtë për shkak të interesimit të pakët të tifozëve.
Më pak se 1 mijë bileta janë shitur deri në këto momente dhe shkaqe ka shumë për këtë munegsë interesimi, duke nisur që nga pesha e vogël e emrit të kundërshtarit, fitorja e parë në Andorra por edhe fakti që në këtë periudhë të vitit një pjesë e madhe e njerëzve e shfrytëzojnë për pushime.
Nëse e kalon këtë fazë, Partizani me shumë mundësi do të sfidojë letonezët e Valmieras pasi këta ta fundit shkatërruan 3-0 në transfertën e parë kampionët e San Marinos, Tre Pene.
Discussion about this post