Bledi Shkëmbi nuk është më trajner i Tiranës. Klubi bardheblu ka zyrtarizuar largimin e teknikut, nëpërmjet një postimi në rrjetet sociale.
“KF Tirana njofton largimin e trajnerit Bledi Shkëmbi. Klubi dhe trajneri kanë gjetur marrëveshjen për të mbyllur bashkëpunimin. Shkëmbi është ndarë duke u përshëndetur me skuadrën dhe stafin teknik. KF Tirana e falënderon trajnerin për kontributin e tij si dhe vlerëson punën e bërë përgjatë qëndrimit të tij në kampin bardh’e blu”- shkruan klubi.
Shkëmbi numëron 13 ndeshje në krye të kësaj skuadre, me ekipin që ka marrë mesatarisht 0.92 pikë për ndeshje. Tirana nuk po zhvillon një sezon të mirë, pasi për momentin, e shikon veten në vendin e shtatë. Klubi nuk dëshiron të humbasë kohë dhe synon gjetjen e trajnerit të ri sa më shpejt të jetë e mundur.
Shkëmbi dhe drejtuesit e Tiranës, zhvilluan një takim kokë më kokë ditën e hënë, pas ndeshjes kundër Egnatias, me teknikun korçar që i është njoftuar shkarkimi. vetë trajneri konfirmoi lajmin se është shkarkuar nga stoli i Tiranës:
“Po, është e vërtetë, më shkarkuan nga Tirana. Presidenti Halili më njoftoi për vendimin e klubit”
Ecuria negative e Tiranës këtë sezon, detyroi presidentin Halili të merrte këtë vendim drastik. 11 pikë në 12 javë janë shifra që dënojnë Shkëmbin, me Tiranën që ndodhen në vendin e 7-të me 11 pikë, por është vetëm një pikë larg vendit të fundit.
Shkëmbi mori drejtimin e bardhebluve gjatë aventurës në Evropë, ku u eliminua Torpedo që në raundin e parë. Më pas në Superligë, në 12 javë në drejtimin e tij, Tirana numëron vetëm 1 fitore, 8 barazime dhe 3 humbje, 2 humbjet radhazi kundër Vllaznisë dhe Egnatias vulosën fatin e tij.
gijotina.com/
Discussion about this post