“Faleminderit për mesazhin Inter, por…”/ Kjaer nuk do i tolerojë rivalët kur të kthehet

Simon Kjaer e mbylli para kohe sezonin me Milanin për shkak të një dëmtimi të rëndë që do ta mbajë atë jashtë fushave për të paktën 6 muaj.

Danezi fitoi simpatinë e të gjithëve me gjestin që bëri kur Christian Eriksen u rrëzua pa ndjenja në fushën e lojës, duke i dhënë atij ndihmën e parë. Kështu, kur vetë Kjaer u dëmtua, nuk mungoi solidariteti as nga rivalët e përjetshëm të Interit.

Në një intervistë për Milan TV, mbrojtësi ka falënderuar skuadrën tjetër të qytetit për mesazhin, por ka thënë se nuk do i falë asgjë kur të kthehet.

“Është një demonstrim se ne mund të jemi rivalë, por që përballë disa gjërave ne jemi para së gjithash qenie njerëzore. Falënderoj Interin për mendimin, por edhe ata e dinë që kur të kthehem, nuk do i fal asgjë…”, tha kapiteni danez