Aleksandar Isaevksi largohet nga Vllaznia mes shumë falënderimeve. Mbrojtësi nga Maqedonia e Veriut nuk harron asnjë, duke e nisur me qytetin e Shkodrës e për të përfunduar te tifozët që i mbështetën kuqeblutë në një sezon që u mbyll me fitimin e Kupës së Shqipërisë.
“Një tjetër kapitull i mbyllur në librin tim. Faleminderit Shkodër! Faleminderit për ngrohtësinë me të cilën më keni mirëpritur kur erdha, faleminderit që më morët krahëhapur, faleminderit që më dhatë maksimumin e respektit, faleminderit që më dhatë kujtime të përjetshme.
Për shokët e skuadrës, faleminderit që ishit vëllezërit e mi që luftuar krah meje gjithë sezonit, që më mbrojtët shpinën, që kaluat gjithçka me mua në të mirë e në të keq, që më bëtë kampion.
Për stafin teknik, faleminderit që më dhatë mundësinë të tregoj veten në fushë, që më dhatë lirinë të shprehem dhe mbi të gjitha faleminderit që besuat tek unë.
Gjithashtu faleminderit stafit teknik dhe të gjithë njerëzve që punojnë në prapaskenë dhe nuk njihen nga të tjerët, faleminderit tifozëve që na mbështetën gjatë gjithë sezonit dhe udhëtuan kudo.
Ju keni munguar gjatë gjithë sezonit në stadiume, por prania juaj ndihej gjithmonë. Vazhdoni ta mbështesni dhe ta doni ekipin në mënyrën si e bëni. Ne të gjithë e bëmë këtë ekip të suksesshëm sërish. Shpresoj që rrugët tona të kryqëzohen sërish në jetë”, shkruan Isaevksi në rrjetet sociale.
