Mund të cilësohet, me gjithë sinqeritetin, si një nga autorët e ringritjes së FC Barcelonës, me intuitën e tij, ia arriti qëllimit, të ishte faktor në rikthimin e titullit kampion në Camp Nou, pas tre vitesh thatësirë.
Tashmë, pas shumë vitesh, në shërbim të klubit ku babai i tij ka lënë gjurmë që janë të dukshme dhe sot e kësaj ditë, Jordi Cruyff, i biri i Johan, një “maestro” i futbollit, ka vendosur të largohet nga FC Barcelona. Gjatë një interviste, Cruyff jr., ka dhënë dhe arsyet e largimit të tij nga klubi blaugrana.
Ai foli për DAZN për vendimin e tij për t’u dorëhequr nga posti i drejtorit sportiv të Barcelonës në fund të sezonit: “Është një vendim personal, kam menduar për të për muaj të tërë. Ndonjëherë ju thjesht merrni vendimin.
Jam shumë mirënjohës për besimin e drejtuesve dhe ka qenë kënaqësi të punoj me Mateu Alemany dhe Xavi. I uroj gjithë fat në botë për më shumë suksese në vazhdim. Skuadra është e re, unë do ta gjej rrugën time,”- u shpreh i biri i ish-legjendës holandeze Johan, i cili hodhi themelet e formimit të Barcelonës moderne.
Discussion about this post