Presidentja e Komisionit Europian, Ursula von der Leyen, ka deklaruar ditën e sotme se agresioni rus nuk do të zgjasë dhe shumë. N ë një intervistë televizive ajo ka bërë me dije se mbështet dërgimin e armëve në ndihmë të Ukrainës, aq më tepër pas asaj që pa në vizitën në Kiev. Presidentja ka sqaruar sanksionet e marra deri tani ndaj Rusisë, duke thënë se qëllimi ishte goditja e fortë ndaj ekonomisë ruse.
“Sanksionet hyjnë më thellë në ekonominë ruse çdo javë: Eksportet në Rusi janë goditur në 70 për qind. Qindra kompani të mëdha po i kthejnë shpinën vendit. Sipas parashikimeve aktuale, produkti i brendshëm bruto në Rusi do të bjerë me 11 për qind. Falimentimi kombëtar i Rusisë është vetëm çështje kohe. Me këtë luftë, Putin po shkatërron vendin e tij dhe të ardhmen e popullit rus”, ka shpjeguar ajo.
Në lidhje me paketën e gjashtë të sanksioneve të cilat do të merren nga BE-ja, Von der Leyen shpjegoi se do të synojë sektorin bankar, veçanërisht Sberbank, i cili vetëm përbën 37 për qind të sektorit bankar rus.
Discussion about this post