Rritja e çmimeve nuk ka prekur vetëm qytetarët e thjeshtë. Mesa duket dhe “Vipat” nuk mund t’i përballojnë dot çmimet e larta.
Së fundmi, moderatorja e njohur Arbana Osmani, ka “qarë” këtë hall me ndjekësit e saj. Nëpërmjet një postimi në Instagram, moderatorja ndan lajmin se për shkak të dyfishimit të çmimit si pasojë e rritjes së çmimit të lëndës së parë, libri i saj i dytë i gatimit nuk do të ribotohet.
Moderatorja shprehet se librat nuk i shikon si biznes dhe për këtë arsye do presë deri në një moment të dytë për ta botuar.
“Libri im i dytë me receta gatimi është “sold out”prej shumë muajsh, dhe çdo dite marr me dhjetëra mesazhe nga ju që më pyesni se ku mund ta gjeni…
Për shkak të rritjes së çmimeve të lëndës së parë të printimit kam vendosur të mos e ribotoj, pasi ribotimi do ta dërgonte në treg me dyfishin e çmimit të mëparshëm dhe gjykoj që kjo thjesht nuk është e drejtë.
Librat e mi me receta nuk i kam parë dot si biznes, por më shumë si një mundësi për të ndarë grimca nga jeta ime në kuzhinë me ju; kështu që derisa të gjejmë kohë për receta të reja (me këto ritme fëmijesh nga 2034) do ndajmë receta të shijshme dhe të shpejta këtu në IG”,– shkruan Arbana.
Discussion about this post