Deputeti Flamur Noka ka zbardhur sot detaje të reja nga mbledhja e grupit parlamentar të PD. Ai tha se, në diskutime e sipër edhe Tomor Alizoti kërkoi që të kuptohej se PD-ja është në krizë, sidomos nga ana e Bashës. Noka tha, se asnjë në parti nuk mund të bëjë sikur po ecën përpara sepse të gjithë e shohin që janë në ngërç. Sakaq, ai tregoi se i kanë bërë të qartë sot Lulzim Bashës së Kuvendi i thirrur nga Sali Berisha do të mblidhet do apo nuk do ai.
“Ajo që ndodhi në mbledhje ishte tendenca për të vazhduar te diskutimet e rutinës, ndërkohë që PD është në krizë të thellë, iu kërkua nga Alizoti që të kuptohet që kjo parti është në krizë të thellë dhe që ka nevojë për zgjidhje dhe që nuk duhet fshehur. Berisha ka bërë me dije që shumë shpejt do të mblidhemi për datën e Kuvendit, iu bë me dije edhe Bashës që Kuvendi do të mblidhet për të diskutuar për statutin dhe për t’i dhënë një zgjidhje PD. Kuvendi nuk është as i Bashës dhe as i Nokës”, tha ai.
Në mbledhjen e sotme është vendosur gjithashtu se, PD do të depozitojë nesër në Kuvend projektligjin ku kërkon uljen e TVSH-së nga 20% në 6% .
