Ka rënë në prangat e policisë infermieri i laboratorit që falsifikoi një dokument shëndetësor kundrejt shumës 15 euro, me qëllim kalimin e kufirit në drejtim të Maqedonisë. Rasti në fjalë u denoncua nga një emision investigativ.
Në pamjet e transmetuara nga ky emision, u pa punonjësi i një laboratori/klinike pranë Pikës së Kalimit Kufitar Qafë Thanë, i cili kundrejt shumës prej 15 euro, pa kryer asnjë analizë për COVID-19, i lëshoi një gazetares së këtij emisioni përgjigjen negative të Rapid Testit (testit antigjen).
Në përfundim të veprimeve procedurale, nga strukturat policore u bë arrestimi në flagrancë për veprën penale “Falsifikimi i dokumenteve shëndetësore”, i M. XH., 27 vjeç, banues në fshatin Vërdovë, Pogradec, me detyrë infermier.
Discussion about this post