Detaje të reja janë zbuluar nga hetimi për biletat e falsifikuara të linjës Tiranë-Krrabë në kryeqytet. Burimet bëjnë me dije se është zbardhur dëshmia e fatorinos së arrestuar Amarildo Çollaku, të cilit iu sekuestruan disa blloqe me bileta autobusi të falsifikuara.
Sipas hetimeve ka rezultuar se organizatorë të skemës së falsifikimit janë dy vëllezërit, Festim dhe Veiz Ibraliu. Sipas policisë, rezulton se Veiz Ibraliu, është administrator i subjektit “Klindit”.
Të dy pronarët kanë dalë në pah nga dëshmia e Amarildo Çollaku, fatorinos së arrestuar, i cili ka treguar para policisë se blloqet e biletave ia ka dhënë Festimi.
“Mi dha te lokali në pronësi të tij, Narkos. Pronari më ka dhënë 2 palë fatura, një palë të rregullta dhe palë të pa rregullta. Pronari ndonjëherë më thotë të përdorim biletat e licensuara, ndonjëherë të pa licensura, kur e sheh ai të arsyeshme. Në shumicën e rasteve përdorim bileta të pa licensuara, kur ndonjë qytetar na e kërkon të licensuar ia japim. Këto bileta janë të vulosura nga pronari por nuk e di kush i vulos”, ka thënë ai.
Discussion about this post