Policia e Gjirokastrës ka bërë të mundur ekzekutimin e vendimit të Gjykatës së Shkallës së Parë Gjirokastër, për caktimin e masave të sigurimit “Ndalim i daljes jashtë shtetit” dhe “Detyrim për t’u paraqitur në Policinë Gjyqësore”, ndaj një noteri dhe avokati të dyshuar për veprën penale “Falsifikim i dokumenteve”.
Sipas njoftimit, ndaj këtyre personave është caktuar masa ndaluese “Pezullim i ushtrimit të një detyre a shërbimi publik”.
Gjithashtu, një 41-vjeçar ka rënë në prangat e policisë, pasi akuzohet se ka dhunuar vajzën e mitur të bashkëjetueses. Sipas njoftimit, 41-vjeçari me iniciale M. H., banues në lagjen Manalat, Gjirokastër ka ushtruar dhunë fizike ndaj vajzës së mitur të bashkëjetueses së tij.
Materialet në ngarkim të shtetasve të mësipërm i kaluan Prokurorisë Pranë Gjykatës së Shkallës së Parë Gjirokastër, për veprime të mëtejshme.
Discussion about this post