Gjashtë të arrestuarit për manipulim zgjedhjesh Erald Karriqi, Ylli Kuka, Durim Alla, Erjon Dashi, Mili Vasku, Olgert Alla sapo kanë mbërritur ne ambientet e gjykatës së Elbasanit në pritje të vendimit. Ditën e sotme pritet të mbahet masa e sigurisë për 6 të arrestuarit të cilët akuzohet se kanë falsifikuar rezultatin e zgjedhjeve të 25 prillit në dy qendra votimi në qytetin e Prrenjasit.
Ndërsa për dy numëruesit e tjerë të shpallur në kërkim, Oltion Bajrami, dhe Eduart Zito, vendimi pritet të jepet në mungesë. 8 personat nën akuzë ishin anëtarë të një KZAZ-je, përfaqësues të forcave të ndryshme politike si PD, PS dhe LSI.
Në dëshmitë e tyre të mëparshme, ata kanë deklaruar se nuk kanë pasur qëllim falsifikimin e rezultatit të zgjedhjeve dhe se veprimet e tyre kanë qenë gabime të shkaktuara nga lodhja. Prokuror i çështjes Petref Asllani ka kërkuar burg për të gjithë të ndaluarit, ndërkohë që gjyqtarja që pritet të japë vendimin është Pajtime Fetahu.
Discussion about this post