3 persona janë arrestuar në pikën kufitare të Pogradecit, ku dy prej tyre kishin falsifikuar testin e PRC anti-COVID me qëllim për të kaluar drejt Maqedonisë së Veriut.
Sipas burimeve, të arrestuarit janë Adrian Lamaj, 36 vjeç, banues në Tiranë dhe Lorjan Alushaj, 37 vjeç, banues në Vlorë, pasi tentuan të kalojnë kufirin me test të falsifikuar të PCR.
Gjithashtu, po në këtë zonë policia kufitare e Pogradecit ka arrestuar edhe Andrea Palla, 17 vjeç, i cili edhe pse pa patentë drejtonte mjetin, në të cilën po transportonte 3 emigrantë sirianë drejt Maqedonisë. Policia i bëri shenjë për të ndaluar, por ai nuk iu bind.
Për këtë policia është vënë në ndjekje ku e ka ndaluar në Qafë Thanë. Gjatë kontrollit të mjetit tip veturë ‘Benz’ me targa AA092EF u gjetën në bagazh të fshehur 3 emigrantë sirianë. Të riut i janë vënë menjëherë prangat dhe u dërgua në komisariat për hetime të mëtejshme.
