Një familje në Kosovë ka rënë pre e vjedhjes. Ngjarja mësohet të ketë ndodhur një natë më parë në fshatin Varosh të Ferizajt, ku persona të paidentifikuar janë futur në shtëpinë e familjes Heta dhe kanë marrë shumën prej 12 mijë eurove.
Në momentin që ka ndodhur grabitja shtëpia ishte bosh, pasi anëtarët e familjes kishin dalë për iftar. Ka qenë Fadil Heta, kryefamiljari, ai që ka bërë dhe denoncimin në polici për vjedhjen.
“Na e kanë bastisur komplet shtëpitë derisa i kanë gjetur komplet paratë në vlerën e diku 12 mijë eurove,”, mësohet të jetë shprehur ai. Hetimet për ngjarjen vijojnë ndërkohë që ende nuk ka asnjë të prangosur.
Discussion about this post