Prokop Prifti është 83-vjeçari i cili u gjet i pajetë ditën e sotme në fshatin Kamenicë. Media raportuan ditën e djeshme për humbjen e të moshuarit, i cili kërkohej nga familjarët prej tre ditësh.
I moshuari është gjetur i vdekur sot nga banorët e zonës në një kanal në Kamenicë. Nga këqyrja paraprake nuk janë konstatuar shenja dhune, ndaj dyshohet se vdekja ka ardhur për shkaqe natyrale
“Divjakë. Në vijim të informacionit për largimin nga banesa të shtetasit P. P., 83 vjeç, bëjmë me dije se në fshatin Kamenicë, Divjakë, u gjet trupi i pajetë i 83-vjeçarit. Nga këqyrja paraprake nuk janë konstatuar shenja dhune. Dyshohet se vdekja ka ardhur për shkaqe natyrale. Grupi hetimor po punon për përcaktimin e shkakut të vdekjes”, njofton policia.
Discussion about this post