Ethet e Festivalit Europian të Këngës, sa vjen edhe shtohen, pasi për pak ditë këngëtarët pjesëmarrës në garë, do të prekin magjinë e skenës duke performuar përpara miliona spektatorëve.
Albina dhe Familja Kelmendi, kanë përfunduar provën e tyre të dytë, si përfaqësues të Shqipërisë, në garën e sivjetme me “Duje”.
Blogu zyrtar i Eurovision 2023, duke e ndjekur live në skenë, kanë bërë këtë koment për këngën dhe artisten shqiptare: ” Mbajeni më të afërmin dhe më të dashurin tuaj- dy breza nga Shqipëria janë gati të ngjiten në skenën e Eurovision 2023 me këngën e tyre ‘Duje’, një këngë për dashurinë familjare.
E përbërë nga ylli i estradës shqiptare, Albina Kelmendi, prindërit dhe vëllezërit e motrat e saj, muzika po kalon nëpër gjenet e këtij grupi.
Kush ka nevojë për këngëtarë dhe valltarë mbështetës, kur e gjithë familja juaj është në skenë?
Kelmendasit na dhanë një shije të aftësisë së tyre vokale në provën e tyre në Liverpool. Këngës së tyre të fuqishme iu dha edhe më shumë forcë me ndërrime dramatike midis nuancave të ndriçimit.
“Nuk ka asnjë ndërtim të butë në këtë këngë – Albina i jep të gjithë vokalin nga nota e hapjes. “Duje” është një këngë kaq e përzemërt dhe dramatike e dashurisë dhe bashkimit familjar, me familjen që ofron harmoni të bukura dhe disa lëvizje të shkëlqyera kërcimi”.
Prova e veshjes për Shqipërinë dhe pjesa tjetër e gjysmëfinales 2 do të mbahet në datën 10 Maj.
Discussion about this post