Kryetarja e Lëvizjes Socialiste për Integrim, Monika Kryemadhi, është shprehur se nuk ka frikë nëse familja Meta shpallet “Non Grata” nga Amerika, ndërsa ka shtuar se marrëdhëniet e tyre me SHBA, janë jo institucionale.
“Ça pastaj. Ça do me thënë “Non Grata”. Unë nuk jam shtetase amerikane. Ju mendoni se të qenurit “Non Grata” në Amerikë të bëjnë të mirë me njerëzit me të cilët jeton. Ti jeton me njerëzit e tu këtu” – tha Monika.
Kryemadhi ka thumbuar dhe kryetarin e Partisë Demokratike, Lulzim Bashën, duke thënë se ky i fundit, nuk mund të shkojë në Amerikë.
“Zëdhënësi i Edi Ramës, Lulzim Basha që flet në emër të Ambasadës Amerikane të shkoj vet një herë në Amerikë. Kur të hysh në Ambasadën Amerikane nuk do të thotë se ke shkuar në Amerikë. E dyta, marrëdhëniet e familjes Meta nuk kanë të bëjnë me marrëdhënie institucionale, janë jashtë politikës. Marrëdhëniet nuk ndërtohen sipas lojës që luhet por sipas besueshmërisë” – tha Kryemadhi.
Discussion about this post