Familjarët denoncuan humbjen e tij, gjendet i mbytur në liqenin e Mushqetasë 40-vjeçari (Emri)

Një trup i pajetë është gjetur sot në një liqen në Mushqet të Krrabës.

Viktima është 40-vjeçari Ilmi Velija.

Sipas familjarëve të viktimës, 40-vjeçari kishte 5 ditë që prej 14 Marsit që kishte humbur kontaktet me familjen.

Trupi është parë buzë liqenit nga një banorë i zonës, dhe më pas ka njoftuar policinë.

Trupi aktualisht ndodhet në morg për autopsinë. Sipas familjarëve 40-vjeçari nuk ka pasur probleme shëndetësore dhe nuk njihej as si problematik.

“Në vijim të informacionit paraprak të dhënë më datë 14.03.2025, për largimin nga banesa të shtetasit I. V., 40 vjeç, bëjmë me dije se: Mëngjesin e sotëm, ky shtetas është gjetur i pajetë në liqenin e Mushqetasë, afër banesës së tij. Paraprakisht dyshohet se ky shtetas është vetëmbytur. Grupi hetimor po punon për zbardhjen dhe dokumentimin e rrethanave të rastit“, thuhet në njoftimin e policisë.