Familjarët dhe qytetarët luten për Mateon me qirinj në qendër të Fierit

Në sheshin qendror të Fierit, mbrëmjen e sotme janë ndezur qirinj nga qytetarët për Mateon i cili u vra barbarisht nga mostra Klodian Çalamani.

Familjarët ndodhen në shesh që prej ditës së djeshme për të mbledhur firmat e peticionit që është hapur duke kërkuar dënimin me vdekje të 38-vjeçarit.

Të shumtë qytetarë madje disa prej tyre me lot në sy luten që shpirti i Mateos të prehet në paqe. Pranë fotos engjëllore janë ndezur disa qirinj, duke formuar emrin “MAREO”, me një zemër në fund.

Homazhe gjithashtu janë zhvilluar edhe në Tiranë ku qytetarët kanë ndezur qirinj në shkallët e Kryeministrisë.