Familjarët kërkojnë trupin e 10-vjeçarit të mbytur në lumin Fan, policia ndërpret kërkimet

Kanë kaluar 6 ditë nga mbytja e 10-vjeçarit në lumin Fan të Mirditës, dhe trupi i pajetë i të miturit nuk është gjendur ende.

Policia ka ndërprerë sot kërkimet, teksa familjarët kanë pritur prej pothuajse një jave për të gjetur turpin e pajetë të 10-vjeçarit.

Dy ditë më parë  u zhvilluan kërkime në urën aty pranë, e prishur prej disa kohësh, pasi dyshohej se trupi i të miturit mund të kishte ngecur në të. Por jo, deri në momentin që u mbyllën kërkimet nuk u gjet asgjë.

10-vjeçari u mbyt gjashtë ditë më pasi ishte duke luajtur me shokët e tij dhe i përfundoi topi në lumë. Topi për të cilin rendi i mituri dhe u mbyt u gjet, 20 km larg vendit ku luanin fëmijët.

Pjesë e kërkimeve ishin 17 palombarë të ardhur nga Tirana si dhe banorët e zonës të cilët dolën vullnetarë për të ndihmuar në gjetjen e trupit të të miturit, por pa rezultat.