Policia e Tiranës ka nisur punën për lokalizimin dhe gjetjen e disa shtetasve që janë raportuar si të humbur nga familjarët e tyre gjatë ditëve të fundit. Rastet janë duke u trajtuar me prioritet, në bashkëpunim me komisariatet përkatëse në rrethe.
Sipas njoftimit zyrtar, janë regjistruar këto denoncime:
-
Shtetasja A. G., 45 vjeçe, ka kallëzuar se më datë 7 prill 2025, është larguar nga banesa në Lushnjë djali i saj 16 vjeç. Policia e Tiranës po bashkëpunon me Komisariatin e Policisë Lushnjë për lokalizimin e të miturit.
-
Shtetasja M. A., 40 vjeçe, ka raportuar se vajza e saj, M. A., 20 vjeçe, është larguar nga banesa po më datë 7 prill dhe nuk është kthyer më. Punohet intensivisht për gjetjen e saj.
-
Shtetasja N. Z., 55 vjeçe, ka bërë kallëzim se gjatë natës është larguar nga banesa motra e saj, N. H., 46 vjeçe, pa lënë asnjë shenjë kontakti.
Policia vijon punën për të zbardhur rrethanat e secilit rast dhe për të mundësuar kthimin e personave të humbur pranë familjeve të tyre. Po ashtu, autoritetet u bëjnë thirrje qytetarëve që të denoncojnë çdo rast të ngjashëm sa më parë, për të mundësuar një reagim të shpejtë dhe efikas.
Discussion about this post