Kryetari i Partisë së Lirisë, Ilir Meta gjatë takimit me strukturat lokale të partisë që drejton shprehet se shumë shkolla janë mbyllur në vend, për shkak të mungesës së fëmijëve.
Meta u shpreh se familjet shqiptare sot po hyjnë në borxh për të shkolluar fëmijët jashtë vendit ndërsa shtoi se ky kapital nuk kthehet në vend për shkak se mungojnë politikat e duhura.
“Ky është një problem i madh për të ardhmen e Shqipërisë. Edhe për çështjen e liberalizimit të vizave të Kosovës. Arsimi me të cilin Elbasani është krenuar ndër vite, ka marrë një goditje të rëndë.
Po mbyllen shkollat, sepse ka më pak fëmijë. Çdo vit e më shumë në universitet rrezikojnë të mbyllen degë të reja. 75% e të rinjve duan të ikin sepse e shohin të ardhmen jashtë vendit. Familjet hyjnë në borxhe për të investuar në shkollimin e fëmijëve të tyre jashtë vendit. Ky kapital njerëzor për të cilin investojnë familjet shqiptare nuk kthehen këtu. Sepse nuk ka politika. E ardhmja është e pasigurt.
Folëm për Elbasanin në raport me Shqipërinë. Por e dimë si është Shqipëria në raport me rajonin. Nëse krahasojmë ka një regres skandaloz në këto nëntë vite. Jemi të parët në Europë për PPP-të e famshme. Të cilat janë shumica të bëra me porosi për emra të caktuara të lidhura me kryeministrin dhe qeverinë. Me rreziqe që i merr përsipër populli shqiptar dhe taksapaguesi ynë.
Dyfishimi i borxhit publik që e vë ekonominë tonë në vështirësi të madhe dhe e bën të vështirë për të rritur rrogat dhe pensionet. Çdo lekë borxh që merret është e vështirë për të larë veten. Shpërdorime galopante në investimet publike. Dëgjojmë projekte të tilla të çmendura. Mesatarisht një km rrugë e re në Shqipëri kushton 6 herë më shumë se në Serbi. Kjo është kosto e korrupsionit të politikave sociale’, tha Meta.
Discussion about this post