Kombëtarja kuqezi do të luajë ndaj Arabisë Saudite më 26 tetor, një ndeshje miqësore. Duke qenë se kjo miqësore do të luhet në një periudhë jo shumë të zakonshme, pasi kampionatet europiane vazhdojnë aktivitetin e tyre, trajneri Edy Reja do të provojë elementë të rinj në skuadër.
Rrjedhimisht edhe nga “Abissnet Superiore” do të ketë lojtarë që do të marrin ftesën e kombëtares. Pikërisht te Partizani, tekniku italian ka menduar t’iu dërgojë ftesë 5 lojtarëve, si asnjëherë më parë.
Andi Hadroji, Eneo Bitri, Arinaldo Rrapaj dhe Xhuliano Skuka janë futbollistët e ftuar, ndërkohë dhe Tedi Cara është në listën e pritjes. Sipas “Neësport.al” Burime të besueshme bëjnë me dije për neësport.al që paraqitjet e lojtarëve janë vlerësuar nga stafi i Kombëtares që dëshiron t’i japë një mundësi në këtë test të datës 26 tetor.
Dy mbrojtësit e Partizanit, si Hadroji dhe Bitri kanë bërë mirë në këtë sezon të Superiores. Ndërkohë edhe Rrapaj ka qenë titullar fiks në 11-shen e Partizanit. Sa i përket Skukës shifrat flasin vetë për sulmuesin dibran që ka shënuar 4 gola, të gjithë me vlerë pikësh.
Ndërkohë ka lajme edhe në aksin Laç – Shkodër, ku mësohet se është ftuar për këtë ndeshje miqësore, Erdenis Gurishta. Sakaq në listën e pritjes është edhe Herald Marku. Ndërkohë në kampin kurbinas ka marrë ftesë Rudolf Turkaj.
Discussion about this post