Fermerët në Jagodinë të Roskovecit kanë probleme me farën e prodhimit Ozgan. Domatja është mbjellë 3 muajt e fundit dhe akoma nuk kanë marrë prodhimin.
Fermerët kërkojnë zgjidhje dhe dëmshpërblim nga shteti, pasi ata thonë se kanë paguar rregullisht çmimin e farës, por fara ka dalë e keqe.
Janë rreth 2 hektarë sera të prekura nga kjo farë që banorët e quajnë të keqe dhe mbi 15 fermerë të prekur nga prodhimi tepër i dobët që ka sjellë kjo farë.
“Ça të them unë tani. Ku të filloj? Do fajësoj atë që e kanë prodhuar faren dhe e shesin. Tani derisa na kërkojnë taksa, shteti të vërë dorë. Të na dëgjojnë, të na shikojnë si vuajmë. Duam të ushqejmë fëmijët”, – u shpreh një nga fermerët e zonës.
Fermerët shprehen se për shkak të farë që kanë blerë dhe mbjellë po falimentojnë.
“Ça të themi ne? Ne me kredi jemi. Sa duan ata ne u jemi përgjigjur. Ça të bëjmë. Ku të shkojmë? Ku do mbytemi? Si këtë herë nuk kemi pasur probleme. Plehrat kimike kemi për t’i paguar. Më ka vajtur kosto 5 milionë lekë. Kalamajtë duan të hanë. Ta shesim 100 lekë ne? Këtë nuk e ha as tregu i brendshëm. Ta mbash 3 ditë në arkë këtë e hanë mushkonjat. Prishet”- u shpreh një tjetër fermerë.
Banorët i kërkojnë shtetit të ndërhyjë, pasi humbjet për ta kanë qenë tepër të mëdha, duke qenë se shumë prej tyre janë dhe me kredi.
