Sulmuesi nga Egjipti, Mohamed Salah mund të jetë ylli i radhës që do transferohet në Arabinë Saudite dhe do ta bëjë këtë për shifra rekord.
Mediat në vendin e Gjirit Arabik/Persik dhe ato angleze kanë bërë të ditur për një interesim të Al Ittihadit të Xhedas për “Faraonin”, të cilit i është ofruar një rrogë që do të kalojë ato të Cristiano Ronaldo e Karim Benzema.
Fillimisht ishte britanikja “The Atheltic” që bëri të ditur se klubi i cili ka në radhët e tij edhe Karim Benzema e N’golo Kante, është i interesuar për firmën e 31-vjeçarit.
Nuk raportohen shifrat e marrëveshjes, por ka spekulime se rroga e tij mund të arrijë deri në 200 milionë euro në vit.
Një shifër marramendës e cila ka tunduar lojtarin. Sipas “beiIN Sports”, Salah ka dhënë miratimin e tij për transferimin në Arabinë Saudite.
Ai pret vetëm që Liverpuli të negociojë një shifër për kalimin e tij në radhët e klubit saudit, që mendohet se do të jetë rreth 100 milionë euro, një rekord për kampionatin saudit.
Discussion about this post