Terrorizoi italianët duke iu arratisur policisë në Romë, autoritetet në shtëtin fqinj kanë lënë në burg 38-vjeçarin shqiptar Erjol Nakon. 38-vjeçari krijoi një situatë alarmante për policinë italiane pasi i iku policisë me shpejtësi skëterre ndërsa këtyre të fundit iu desh të qëllonin në drejtim të makinës së tij dhe të thyenin xhamin për ta ndaluar. Edhe pse i rrethuar nga 3 makina dhe 8 efektivë policie, shqiptari mbylli xhamat e makinës që të mos dorëzohej.
Në videon e publikuar nga mediat italiane shfaqet se si efektivët e rrethojnë, i thyejnë xhamin e makinës dhe e nxjerrin me forcë.
Teksa shqiptari tenton të largohet, efektivët e policisë italiane e shtrijnë në tokë dhe e neutralizojnë me mjet paralizues.
38 vjeçari shqiptari Nako është i njohur për policinë italiane pasi është kapur më parë me drogë si dhe është akuzuar për dhunë në familje.
Mediat italiane thonë se ai mund të ishte nën efektin e lëndëve narkotike kur po i ikte policisë pasi hodhi portofolin dhe orën nga dritarja e makinës.
Kjo tregon gjendjen e tij të pasigurt psikologjike ndërsa mbetet për tu mësuar nëse kishte diçka tjetër përveç parave në portofol, me të cilin donte të shpërqendronte policinë. Megjithatë, ndaj tij është masa e sigurisë arrest me burg.
Discussion about this post