Policia e Uellsit arrestoi një shpërndarës shqiptar droge që lëvizte me një sasi kanabisi me vlerë 15.000 paund.
Lënda narkotike ishte vëndosur në dy çanta supermarketi. Feriz Arifaj po dilte në ato moment nga shtëpia teksa mbante dhe 9.000 paund Cash me vete. Banesa dyshohet se ishte përdorur së fundmi për të kultivuar kanabis.
“I pandehuri doli nga një makinë duke mbajtur dy çanta të ngarkuara rëndë,” thanë autoritetet në gjykatën e Cardiff Crown.
Brenda çantave kishte 3 kg kanabis me një vlerë të mundshme nga 9,600 deri në 15,000 £, ndërsa pasi u kontrollua, të pandehurit iu gjetën edhe 9,000 £ në xhepa.
Arifaj, 51 vjeç, nga Pontnewydd Walk, Cwmbran, pranoi posedimin e drogës së klasit B me qëllim furnizimin dhe u deklarua fajtor mbi akuzën se ai po vepronte si korrier.
Oficeri Adrian Witts i tha gjykatës se i pandehuri nuk kishte asnjë dënim të mëparshëm dhe se ai kishte deklaruar më herët se po i bënte një nder një miku.
Witts tha se Arifaj ishte një burrë i martuar i cili “nuk kishte probleme me drogën” dhe i cili ishte vlerësuar se paraqiste një “rrezik të ulët për të përsëritur veprën penale, ndërsa gjykata e dënoi të pandehurin me një urdhër shërbimi komunitar 12-mujor gjatë të cilit ai do të duhet të kryejë 100 orë punë pa pagesë.
Discussion about this post