Qytetarët afganë në Shëngjin, që ardhur pak muaj më parë, e kanë të paqartë të ardhmen, pas një urdhri ekzekutiv firmosur prej presidentit Trump që vë në pikëpyetje shkuarjen në SHBA.
Për nxjerrjen nga Afganistani dhe ardhjen në vendin tonë ka kontribuar organizata amerikane me qendër në Washington e quajtur “AfghanEvac”.
Në një intervistë për Tch, kreu i kësaj organizate Shawn VanDiver fillimisht i përgjigjet pyetjes se cila do të jetë e ardhmja e atyre 400 afganëve aktualisht në Shëngjin.
Shawn VanDiver deklaroi se vendimi do të merret nga sekretari Marco Rubio, ku janë disa skenarë, një prej të cilave, përjashtimi nga urdhri ekzekutiv për ndërprerjen e ndihmave.
“Për këtë mund të shfaqen disa skenarë. Idealja do të ishte që të jepet një përjashtim nga urdhri ekzekutiv, duke lejuar që këta individë të vazhdojnë procesimin e tyre dhe udhëtimin për në Shtetet e Bashkuara. Sekretari Rubio ka autoritetin ta marrë këtë vendim në mënyrë të pavarur, duke u bazuar në tekstin e urdhrit ekzekutiv. Ne mbetemi shpresëplotë se ky përjashtim do të miratohet shpejt”, shprehet Shawn VanDiver kreu organizatës AfghanEvac.
Por sa e mundur do të jetë për miqtë e SHBA të pajisen me një vizë SIV?
Afganët në Shqipëri tashmë kanë aplikuar për vizat SIV dhe janë shumë përpara në procesin e tyre. Kur arrijnë në vende si ajo në Shëngjin, ata zakonisht kanë marrë miratimin e Shefit të Misionit (COM)”.
Shawn VanDiver tregon bisedimet me administratën Trump për këtë çështje, ku tregon se rreth një javë para se Trump të merrte detyrën, i kanë dërguar një letër, por ende nuk kanë marrë përgjigje.
“Rreth një javë para se administrata e re të merrte detyrën, ne u dërguam atyre një letër, të nënshkruar nga qindra organizata dhe individë, duke paralajmëruar se veprimet ekzekutive mund të kenë pasoja të konsiderueshme negative, përfshirë ndaj aleatëve afganë. Ndërsa administrata na falënderoi për letrën, ne nuk kemi marrë ndonjë përgjigje zyrtare. Pa zyrtarisht, kemi dëgjuar se ka pasur konfuzion brenda Shtëpisë së Bardhë lidhur me detajet e politikës, si dhe disa ngatërrime të mundshme të rrugëve të ndryshme për afganët. Ne shpresojmë që kjo situatë është jo e qëllimshme dhe mund të zgjidhet. Nëse nuk arrihet një zgjidhje këtë javë, megjithatë, do të detyrohemi të konkludojmë se mungesa e veprimit është e qëllimshme”, përfundoi Shawn VanDiver.
Këto pasiguri për afganët në Shqipëri thotë ShawnVanDiver janë shumë shqetësuese dhe shpresojmë që po trajtohet si një çështje prioritare nga Departamenti Amerikan i Shtetit.
Discussion about this post