Krahas betejës në fushën e blertë, sic tanimë dihet Manchester City nis një betejë edhe më të madhe, këtë herë me drejtësinë. Kampionët në fuqi të Premier League, kohë më parë u njohën me 115 akuza të cilat rëndojnë mbi ta, sa i përket parregullsive në aspektin financiar. Për këtë gjë përfaqësuesit ligjor të kësaj skuadre do të paraqiten në gjykatë ditën e hënë, ku do tu përgjigjen pyetjeve të hetuesve.
Sipas asaj që mediat britanike raportojnë, Manchester City e ka nisur në 2009-ën shkeljen e cila është konstatuar të vijojë deri në vitin 2018 kryesisht në paga të futbollistëve, stafit, blerje lojtarësh, por dhe shumë të mëdha që vetë pronarët i kanë dërguar në mënyrë të drejtpërdrejt në arkat e klubit. Në këtë periudhë që bëhet fjalë, the cityzens fituan 3 tituj kampionë.
Në akuzat e ngritura nga hetuesit rezulton se Manchester City ka deklaruar paga më të ulëta për anëtarët nga cka ato kanë qenë në të vërtetë, teksa po ashtu nuk ka respektuar rregullat e vendosur nga UEFA. Vendimi i gjykatës do të marrë kohë, e do të ketë ndikim në sezonin e ardhshëm të futbollit, ku në rast dënimi, do të ketë gjobë dhe heqje pikësh.
Discussion about this post