“Fati po i buzëqesh”, Ambasadori: Kosova, përkrahje nga grupet më të fuqishme në Bundestag

Ambasadori i Kosovës në Gjermani, Faruk Ajeti, është shprehur se aplikimi i Kosovës për anëtarësim në KiE, po përkrahet nga grupet më të fuqishme parlamentare të Bundestagut gjerman.

Ambasadori në një postim në Facebook, ka publikuar letrën e dy deputetëve gjermanë, Frank Schëabe dhe Adis Ahmetovic nga SDP-ja, përmes së cilës përkrahet anëtarësimi i Kosovës në KiE.

“Kërkesa e djeshme e Republikës së Kosovës për anëtarësim në Këshill të Evropës është duke u përkrahur nga grupet më të fuqishme parlamentare të Bundestagut gjerman. Faleminderit për mbështetjen Frank Schëabe dhe Adis Ahmetovic nga SPD”, ka shkruar ambasadori Ajeti.

Sot edhe ambasadori gjerman në Kosovë, Jorn Rohde ka shprehur mbështetjen për procesin dhe anëtarësimin e Kosovës në Këshill të Evropës.