Fation Kuqari ishte një ndër personazhet që spikati në formatin e “Përputhen” për karakterin e tij disi impulsiv. Edhe pas daljes nga programi, ai bëhet shpesh pjesë e mediave rozë për jetën e tij personale, duke u kthyer kështu në një ndër personazhet e preferuara të publikut shqiptar.
Por duket se eksperienca e tij në Tv nuk ka mbaruar!
Shumë shpejt Kuqarin do ta shohim në një program televiziv në “Ora News” si prezantues.
Emision ky që do të shoqërojë publikun çdo mbrëmje dhe do të zgjasë rreth 120 minuta.
Këtë lajm si fillim e ndau me ndjekësit e tij në një postim në Instastory moderatori i “Ora News”, Ronaldo Sharka.
“Fation Kuqari i bashkohet Rtv Ora nga 11 qershori, çdo mbrëmje në ekran për 120 minuta! Suksese”,- shkruan ai.
Mbrëmë nuk pati asnjë reagim nga Kuqari, mirëpo ditën e sotme, ai e ka ripostuar Story-n e moderatorit Shaka, duke e konfirmuar kështu lajmin.
