Fatjon Dervishi, 38 vjeç, u ekzekutua afër mesnatës në Sukth, teksa po kthehej në banesën e tij. Policia ka nisur hetimet lidhur me ngjarjen, ndërsa po hetohet në disa pista, përfshi këtu edhe hasmëritë, apo veprimpartitë e paligjshme ku mund të ishte përfshitë viktima apo vëllai i tij, Fatbardh Dervishi, i cili ndodhet në burg.
Ndërkohë, referuar raportimeve, viktima Fatjon Dervishi jetonte në Gjermani. Një prej të afërmve të viktimës ka pohuar për mediat se ka dëgjuar krismat që i morën jetën 38-vjeçarit.
“Fatjoni ishte çun me nam këtu. Punonte në Gjermani. Vinte ikte, ishte çun i urtë. E kam fqinj, nëna ime e ka djalë daje. Nuk isha mbrëmë në shtëpi, pasi punoj roje nate. i dëgjuam krismat, veç kaq.
Ika pastaj e lash punën, shkova në shtëpi. i martuar ishte Fatjoni, ka dy fëmijë, i ka jashtë. Këtu jetonte me babin, nëna i ka vdekur. Një vëlla e ka jashtë, një vëlla në burg për drogë. Kishte qenë në një lokal në Sukth. Nuk di që të ketë pasur konflikte”, tha kushëriri.
Discussion about this post