Ish-ministri i Mbrojtjes, Fatmir Mediu, ka deklaruar sot gjatë një interviste televizive se “Open Balkan” në të vërtetë është interes për Serbinë dhe ne nuk mund të marrim rolin e liderit. Mediu u shpreh se Serbia përveçse ekonomikisht ka edhe gravitet ushtarak në rajon për shkak të lidhjes me Rusinë.
“Pavarësisht se ne duam të marrim rolin e liderit, interesi primar sot për sot është ai serb. Ideja një qasje është politika e Vuçiç, pastaj kemi politike më agresive të ministrit të Brendshëm. Serbia është edhe gravitet ushtarak sot në Ballkan për shkak të marrëveshjeve të forta në Rusinë. Sot Vuçiç ka qenë në Rusi. Raporti i Serbisë me Rusinë është shumëfish me i rëndësishëm se ai me Open Balkan. Nga ana tjetër është gravitet gjeopolitik, në raport me interesat që ka me Kinën. Është edhe ekonomik. Pesha ekonomike e Serbisë është shumëfish më e madhe se ajo e Shqipërisë. Duke qenë kjo situatë ne duhet ta shikojmë çështje e Ballkanit si ekonomike po historike”, tha ai.
Mediu ka komentuar edhe qëndrimin e BE ndaj kësaj nisem dhe tha se duhet marrë parasysh reagimi negativ i saj. “Europa ka pasur një qasje karshi Ballkanit ekonomike dhe nuk ka rezultuar pozitive. Të njëjtën qasje ka filluar pak a shumë edhe Amerika. Për shkak të rritjes së rolit të Serbisë kur diskutohet për Bosnjën nga dy ndalesa para se të shkohet në Sarajevë, një në Beograd dhe një në Zagreb”, theksoi ai. Sakaq, kreu i PR, komentoi edhe projekt-rezolutën e propozuar nga vetë ai në Kuvend lidhur me ekspozimin e kërcënimeve serbo-ruse. Lidhur me këtë Mediu tha se Kuvendi duhet të marrë përgjegjësi dhe ta vërë sa më parë në shqyrtim.
Discussion about this post