Belind Këlliçi, drejtues politik i Partisë Demokratike për Tiranën, ka denoncuar në Facebook ndikimin e paligjshëm zgjedhor në Tiranë. Ai ka akuzuar SPAK-un për heshtje ndaj shtrimit të asfaltit elektoral pa transparencë dhe tabelat informuese.
Këlliçi ka theksuar se Task Forca e shpallur për zgjedhjet e 11 Majit nuk ka ndërmarrë asnjë veprim në lidhje me këto raste. Ai ka denoncuar një tjetër rast në Njësinë nr. 10, ku Enton Punavija, i lidhur me fushatën e Fatmir Xhafajt, po ushtron ndikim zgjedhor të paligjshëm. Sipas Këlliçit, Punavija ka një të kaluar të diskutueshme financiare dhe duhet të ishte subjekt i burgut. Partia Demokratike kërkon veprim nga SPAK për të ndalur këto praktika të paligjshme zgjedhore.
Reagimi
Drejtuesi politik i PD për Tiranën, Belind Këlliçi, në një postim në Facebook tha se: Fushatë 5D, për deputetin 5D!
SPAK shpalli një muaj më parë me bujë të madhe Task Forcën për zgjedhjet e 11 Majit!
Deri më sot kam denoncuar 3 raste flagrante të shtrimit të asfaltit elektoral në lagjet e Tiranës, pa asnjë tabelë informuese dhe pa asnjë informacion dhe nga SPAK ka patur heshtje totale!!!
Ja ku është një tjetër rast flagrant i ndikimit të paligjshëm zgjedhor, në mes të Tiranës në Njësinë nr.10, ku drejtori 5D Enton Punavija, del në krah të fushatës së Fatmir Xhafajt.
Një person që do duhej të ishte subjekt i burgut, për shkak të vjedhjes së buxhetit të Bashkisë Tiranë, bëhet ushtrues i ndikimit mbi zgjedhësit.
Partia Demokratike i bën thirrje SPAK-ut të veprojë ndaj këtyre shokëve të qelisë dhe fushatës së Veliajt.
Pëndryshe, të na rrojë Task Forca!!!
Discussion about this post