Gjykata e Posaçme ka dënuar me dy 2 vite shërbim prove ish-kryebashkiakun e Lushnjës, Fatos Tushe për me akuzën e mosdeklarimit të pasurisë.
Prokuroria kërkoi dënimin e Tushes me 1 vit e 5 muaj burg, por për shkak të gjykimit të shkurtuar do të përfitonte zbritjen e dënimit me 1/3 (1 vit heqje lirie). Vetëm pak muaj pasi shleu dënimin me 3 vite e 4 muaj burg për shpërdorim detyre e dhe shkelje të barazisë në tendera, ndaj Fatos Tushes nisi një tjetër hetim që ka të bëjë me pasurinë. Sipas Prokurorisë së Posaçme, ish-zyrtari ka fshehur një apartament në Vlorë, në zonën e Lungomares, një hua të marrë nga një shtetas në vitin 2020 si dhe 2 makina të llojit Mercedes Benz, në vlerën totale 46,9 mijë Euro.
Ish-kryebashkiaku socialist u dënua në korrik të 2022 me 2 vite e 4 muaj burg për shpërdorim detyre nga Gjykata e Posaçme e Shkallës së Parë, vetëm për shpërdorim detyre, ndërsa ra vepra e shkeljes së barazisë në tendera, teksa SPAK kërkonte dënimin e tij me 5 vite.
Në mars të vitit të kaluar Apeli i Posaçëm i shton dënimin Fatos Tushes me 1 vit kur ku i fundit sapo kishte lënë qelinë pasi shleu dënimin. Ai rikthehet në burg për të përfunduar pjesën e mbetur, këtë radhë për veprën penale të Shkeljes së barazisë në tendera. Dënimi gjithësesi u shlye disa muaj më parë dhe Tushe do të vijojë të shijojë lirinë.
Discussion about this post