Ndonëse prej më shumë se dy javësh po punohet nga toka dhe ajri, sërish situata me zjarret në “Majën e Rrunës“, vijon të mbetet kritike.
Gafurr Rexha,Shef i Shërbimit Zjarrëfikës i Bashkisë Kukës, thotë se terreni tepër i vështirë malor, lënda halore që digjet në “Majën e Rrunës”’dhe bari që është shumë i thatë me një shtresë humusi rreth 50 cm e vështirwson shuarjen e zjarrit që favorizohet edhe nga era e fortë.
“Vatra në Rrunë është aktive për 15 ditësh, forcat tona nuk kanë arritur ta vënë nën kontroll megjithë punën e bërë. Sërish situata është ende kritike.” thotë ai.
Problematike është situata edhe në vendin e quajtur stanet e fshatit Morinë, mali i Koritnikut, zonë e mbrojtur e parkut natyror Korab-Koritnik.
Rexha thotë se vatra e zjarrit e shfaqur të enjten në mesditë në bjeshkët e Morinit e ka burimin nga Kosova dhe për izolimin e saj është punuar edhe më njësitë zjarrëfikëse të Kosovës. Sipas tij edhe sot kjo vatër është aktive pasi ende nuk është neutralizuar dhe rrethuar.
“Krahas kësja vatre na është shfaqur një vatër tjetër në Morinë. Dje është punuar, por nuk është neutralizuar e tërë vatra. Forcat janë atje në bashkëpunim edhe me zjarrfikëset e Kosovës,” thekson ai
Sakaq, situata në Tropojë dhe Has paraqitet e qetë
